КЫРГЫЗ РЕСПУБЛИКАСЫ  ОШ ОБЛУСУ АЛАЙ РАЙОНУ ЖАҢЫ-АЛАЙ АЙЫЛДЫК КЕҢЕШИ

КЫРГЫЗСКАЯ РЕСПУБЛИКА ОШСКАЯ ОБЛАСТЬ АЛАЙСКИЙ РАЙОН ЖАНЫ-АЛАЙСКИЙ АЙЫЛНЫЙ КЕНЕШ

 

Жаңы-Алай айылдык Кеңешинин VII чакырылышынын кезексиз  XXXI сессиясынын

ТОКТОМУ

28-август 2023-жыл                                       №31/3                             Жаңы-Алай айылы

Жаңы-Алай  айыл   өкмөтүнүн 2023-жылдын III кварталына  бекитилген   жергиликтүү бюджетинин чыгаша бөлүгүнүн  чыгымдалуучу акча   каражаттарынын  планына  өзгөртүү киргизүү жөнүндө

 

Бюджет жана социалдык-экономикалык өнүгүү боюнча туруктуу комиссиянын отурумунун  25.08.2023жылдагы № 4  протоколунун негизинде Жаңы-Алай айылдык Кеңешинин VII чакырылышынын кезексиз  XXXI  сессиясы токтом кылат:

               1. «Кыргыз Республикасынын Бюджеттик кодексинин» 115-беренесине ылайык, Жаңы-Алай  айыл    өкмөтүнүн 2023- жылга бекитилген  жергиликтүү бюджетинин чыгаша бөлүгүнүн өздүк кирешенин эсебинен  бекитилген планына, төмөндөгү үнөмдөлгөн  бөлүмдөрдүн беренелеринен зарыл болгон бөлүмдөрдүн беренелерине керектөөсүнө жараша төмөнкүдөй жылдырылсын.

Бөлүм	Бөлүмдүн аталышы	Беренелердин аталышы	берене	III-квартал
				көбөйтүү	азайтуу
706	ЖКХ	Товарларды жана кызматтарды пайдалануу менен дагы башка кызмат көрсөтүү	2215	131,9
708	Клуб	Башка эмеректи жана жабдууларды сатып алуу	3112		49,4
708	Эс алуу маданият маселелери	Товарларды жана кызматтарды пайдалануу менен дагы башка кызмат көрсөтүү	2215		42,0
709	Балдар бакчасы	Имараттарды жана жайларды учурдагы оңдоого кеткен чыгымдар	2221		40,5
Бардыгы:				131,9	131,9

 

            2. Жогорудагы акча каражатын 2023-жылга жергиликтүү бюджеттин  бекитилген сметасынын чыгаша бөлүгүнө өзгөртүү киргизип берүү жагы Кыргыз Республикасынын Финансы министирлигинин Алай  финансы башкармалыгынан суралсын.

 

            3. Өзгөртүү киргизилген акча каражатын мыйзамдуу, максаттуу жумшоо жана ушул токтомдун аткарылышын  камсыз кылуу айыл өкмөт башчысы Н.Тажибаевге жана финансы-экономика бөлүмүнүн башчысы  А.Пармановго  милдеттендирилсин.

 

            4. Ушул токтомдун аткарылышын көзөмөлдөө жагы айыл кеңештин бюджет жана социалдык-экономикалык өнүгүү боюнча туруктуу комиссиясынын төрайымы  Н.Арапбаевага  милдеттендирилсин.

Төрага                                                                                                                М.Макенов 

 

 

 

 

Жаны-Алай айылдык Кеңешинин  VII чакырылышынын кезектеги                                   30-сессиясынын

Т О К Т О М У

14-сентябрь  2023-жыл                            № 32/1                   Жаңы-Алай айылы

Жаңы-Алай айыл өкмөтүнө караштуу айыл статусу жок Мады участкасына  айыл статусун берүү жөнүндө

Кыргыз Республикасынын административдик-аймактык түзүлүшү тууралуу мыйзамынын 6-беренесинин 6-бөлүмүнө жана 12-беренесине ылайык,  Жаңы-Алай айыл өкмөтүнө караштуу айыл статусу жок Мады участкасына  айыл статусун берүү жөнүндө Жаңы-Алай айыл өкмөтүнүн башчысы Н.Тажибаевдин билдирүүсүн угуп жана талкуулап Жаңы-Алай айылдык кеңеши токтом кылат:

1. Кыргыз Республикасынын административдик-аймактык түзүлүшү тууралуу мыйзамынын 6-беренесинин 6-бөлүмүнө жана 12-беренесине ылайык,  Жаңы-Алай айыл өкмөтүнө караштуу айыл статусу жок Мады участкасына  айыл статусун берүү жөнүндө сунушу жактырылсын.

 

2. Жаңы-Алай айыл өкмөтүнө караштуу  Мады участкасына  айыл статусун берүү, Алай райондук жергиликтүү мамлекеттик администрациясынан суралсын.

 

3. Бул токтомдун аткарылышын камсыз кылуу Жаңы-Алай айыл   өкмөтүнүн башчысы Н.Тажибаевге, көзөмөлдөө айыл чарба, жерге жайгаштыруу жана  агрардык саясат, инвестиция тартуу, ишкердүүлүк уюмдар менен иштөө туруктуу комиссиясына милдеттендирилсин.

Төрага                                                                                       М.Макенов

 

 

 

 

Жаны-Алай айылдык Кеңешинин  VII чакырылышынын кезектеги                                   32-сессиясынын

Т О К Т О М У

14-сентябрь  2023-жыл                          №   32/2                     Жаңы-Алай айылы

Жаңы-Алай айыл өкмөтүнүн тургуну Үсенова Молдайым Темишовнанын менчигиндеги соода-сатык, элге кызмат көрсөтүү (дүкөн, чачтарачкана,    бут-кийим оңдоочу жай, буфет) куруу үчүн деген жер участогунун максаттуу багытын өзгөртүү жөнүндө

Жаңы-Алай айыл өкмөтүнүн тургуну Үсенова Молдайым Темишовнанын менчигиндеги 2005-жылдын 5-ноябрындагы №5 токтому, аянты 681,00 чарчы метр болгон соода-сатык, элге кызмат көрсөтүү (дүкөн, чачтарачкана, бут-кийим оңдоочу жай, буфет) куруу үчүн деген жер участогунун максаттуу багытын өзгөртүү боюнча  Кыргыз Республикасынын Жер кодексинин 12-берене 1,2-бөлүгүнө жана айыл чарба, жерге жайгаштыруу жана агрардык саясат, инвестиция тартуу ишкердүүлүк уюмдар менен иштөө боюнча туруктуу комиссиясынын маалыматын угуп, талкуулап, Жаңы-Алай айылдык кеңеши токтом кылат:

1.Жаңы-Алай айыл өкмөтүнүн тургуну Үсенова Молдайым Темишовнанын менчигиндеги 2005-жылдын 5-ноябрындагы №5 токтому, аянты 681,00 чарчы метр болгон соода-сатык, элге кызмат көрсөтүү          (дүкөн, чачтарачкана, бут-кийим оңдоочу жай, буфет) куруу үчүн деген жер участогунун максаттуу багыты, өндүрүшкө жана башка курулуштарга деп өзгөртүлсүн.

2.Тиешелүү иш кагаздарын Үсенова Молдайым Темишовнанын наамына даярдап берүү жагы Алай райондук шаар куруу жана архитектура башкармалыгына, ошондой эле “Кадастр” мамлекеттик мекемесинин Алай филиалына сунуш кылынсын.

3.Бул токтомдун аткарылышын камсыз кылуу Жаңы-Алай айылынын башчысы Н.Тажибаевге, көзөмөлдөө айыл чарба, жерге жайгаштыруу жана агрардык саясат, инвестиция тартуу ишкердүүлүк уюмдар менен иштөө боюнча туруктуу комиссиясына милдеттендирилсин.

Төрага                                                                                                   М.Макенов

 

 

 

Жаны-Алай айылдык Кеңешинин  VII чакырылышынын кезексиз                                  33-сессиясынын

Т О К Т О М У

27-сентябрь  2023-жыл                      №   33/1                      Жаңы-Алай айылы

Кыргыз Республикасынын Ош облусунун Алай районунун  Жаңы-Алай айыл аймагында административдик-аймактык

реформаны жүргүзүү жөнүндө

 

Кыргыз Республикасынын Президентинин 2022-жылдын                                         18-октябрындагы ПЖ №350 «Кыргыз Республикасынын административдик-аймактык түзүлүшүн өркүндөтүү жана региондорду өнүктүрүү  боюнча андан аркы чаралар жөнүндө» Жарлыгын жетекчиликке алып, Ош облусунун Алай районунун Жаңы-Алай  айылдык кеңеши  токтом кылат:

1. Ош облусунун Алай районунун Жаңы-Алай айыл аймагында административдик-аймактык реформаны жүргүзүү жактырылсын.
2. Жаңы-Алай, Гүлчө, Будалык айыл аймактарын бириктирип, Гүлчө айылын административдик борбор деп аныктоо менен Гүлчө айыл аймагы деп аталсын.
3. Ош облусунун Алай районунун Жаңы-Алай жана Гүлчө  айыл аймактарында  административдик-аймактык реформаны жүргүзүү боюнча уюштуруу чаралары көрүлсүн.
4. Бул токтом расмий түрдө  jany-alai.el.kg сайтына жарыялансын, Кыргыз Республикасынын Юстиция Министрлигинин Ош облустук башкармалыгынан каттоодон өткөрүлсүн жана расмий жарыялангандан кийин күчүнө кирет.
5. Ушул токтомдун аткарылышын көзөмөлдөө бюджет жана социалдык – экономикалык өнүгүү боюнча, укук тартиби, этика, мыйзамдуулук жана социалдык-маданий маселелер, айыл чарба, жерге жайгаштыруу жана  агрардык саясат, инвестиция тартуу, ишкердүүлүк уюмдар менен иштөө туруктуу комиссияларына жүктөлсүн.

              

Төрага                                                                                        М.Макенов

 

 

Жаны-Алай айылдык Кеңешинин  VII чакырылышынын кезексиз                                  33-сессиясынын

Т О К Т О М У

27-сентябрь  2023-жыл                             №   33/2                      Жаңы-Алай айылы

Элдик Курултайдын  делегаттарын шайлоо боюнча өкүлчүлүктү  жыйындарды өткөрүү жөнүндө

Кыргыз Республикасынын Президентинин 2023-жылдын     29-августундагы «Элдик Курултайды өткөрүү жөнүндө» ПЖ №215 Жарлыгын  аткаруу максатында Жаңы-Алай айылдык кеңеши токтом кылат:

1. Кыргыз Республикасынын Президентинин 2023-жылдын 29-августундагы “Элдик Курултайды өткөрүү жөнүндөгү” ПЖ№215  Жарлыгынын  негизинде, Жаңы-Алай айыл өкмөтүндө 2023-жылдын 18-ноябрында Жаңы-Алай айылындагы маданият үйүндө саат 10:00дө Элдик курултайдын  делегаттарын шайлоо боюнча өкүлчүлүктү  жыйын өткөрүлсүн.

          2. Жаңы-Алай  айыл аймагында Элдик Курултайдын  делегаттарын шайлоо боюнча өкүлчүлүктү  жыйындарды уюштуруу жана өткөрүү боюнча жумушчу топтор түзүлсүн. (№1 тиркеме тиркелет)

3. Жаңы-Алай айыл аймагында өкүлчүлүктү делегеттарды шайлоо боюнча, өткөрүлө турган жыйындардын графиги жана жооптуулардын тизмеси  бекитилсин.(№2 тиркеме тиркелет)

4. Кыргыз Республикасынын Президентинин 2023-жылдын 29-августундагы “Элдик Курултайды өткөрүү жөнүндөгү” ПЖ№215  Жарлыгы  боюнча айыл тургундарына кабарлоо жана ушул айыл аймакта туулуп өскөн, айыл аймактын өнүгүүсүнө кызыкдар болгон активдүү жарандарга жекече маалымдоону жеткирүү жагы жумушчу топтун курамына милдеттендирилсин.

5. Өкүлчүлүктү жыйындын Элдик Курултайдын делегаттарынын тизмелерин шайлоо тууралуу протокодорду жана толтурулган анкеталарды уюштуруу комитетине 2023-жылдын 24-ноябрына чейин тапшыруу жумушчу комиссияга жүктөлсүн.

6. Элдик Курултайдын  делегаттарын шайлоо боюнча өкүлчүлүктү  жыйындарга чакыруу жана өткөрүү боюнча ар тараптан көмөк көрсөтүү Жаңы-Алай айыл өкмөтүнүн башчысы Н.Э.Тажибаевге, иш кагаздарын алып баруу жооптуу катчы А.Батыралиевага милдеттендирилсин.

7. Бул токтомдун аткарылышын камсыз кылуу жана көзөмөлдөөнү өзүмө калтырамын.

 

Төрага                                                                                        М.Макенов

 

 

Жаңы-Алай айылдык кеңешинин

                                                                                                                                                                      2022-жылдын 37-сентябрындагы

                                                                                                                                                                     №20/1 токтомуна №2 тиркеме

 

Жаңы-Алай  айыл аймагында Элдик Курултайдын  делегаттарын шайлоо боюнча өкүлчүлүктүү  жыйындарды уюштуруу жана өткөрүү боюнча жалпы санын, айылдар боюнча элдин санына карата  делегаттарды  көрсөтүү нормасы, делегаттарды шайлоо боюнча жер-жерлерде элдик жыйындарды жана чогулуштарды өткөрүүнүн графиги, ар бир жыйындарды жана чогулуштарды өткөрүүгө жооптуу айылдык кеңешинин депутаттарынын тизмеси:

№	Айылдардын аталышы	Туруктуу айыл калкынын саны	Айыл калкы % менен		Өкүлчүлүктү  жыйындарга
				Өкүлчүлүктү  жыйындарга шайлануучу делегаттардын саны	Анын ичинен		Шайлоо өткөрүлүүчү жайы	Шайлоо өткөрүү датасы жана убактысы	Шайлоо өткөрүүгө жооптуу депутаттардын аты-жөнү	Шайлоону өткөрүүгө көмөк көрсөтүүчү айыл өкмөтүнүн кызматкерлери
					Эркектер (70%)	Аялдар (30%)
1	Жаңы-Алай	3082	64,7%	19	13	6	Жаңы-Алай маданият үйү	18.10.2023. 11:00	М.Макенов, М.Мамытов, К.Тоготой, Г.Исмаилова А.Жупуев	Б.Эшиев Б.Атырова Ж.Раманкулова
2	Жаңы-Арык	1683	35,3%	14	10	4	И.Умаров мектеби	19.10.2023. 11:00	Ж.Пазылова, Э.Исаков, Зарипбек уулу Бекзат	А.Төлөнов
3	Беш-Кашар конушу			7	5	2	С.Ашимов орто мектеби	20.10.2023. 11:00	Таалайбек уулу Чыңгыз, Н.Арапбаева, А.Шаңыяева	А.Апишов, Э.Дурсуматова
4	Жалпы:	4765	100%	40	28	12

                        

 Айылдык кеңештин жооптуу катчысы                                                                                                                    А.Батыралиева

 

 

 

 

Жаны-Алай айылдык Кеңешинин  VII чакырылышынын кезектеги                                   34- сессиясынын

Т О К Т О М У

31-октябрь  2023-жыл                          №34/1                Жаңы-Алай айылы

Жаңы-Алай айыл өкмөтүнүн 2023-жылдын тогуз айында аткарылган иштери жөнүндө

Жаңы-Алай айыл өкмөтүнүн 2023-жылдаын тогуз  айында аткарылган иштери жөнүндө Жаңы-Алай айыл өкмөтүнүн башчысы Н.Тажибаевдин маалыматын угуп жана талкуулап Жаңы-Алай айылдык кеңеши токтом кылат:

1. Жаңы-Алай айыл өкмөтүнүн 2023-жылдын тогуз айында аткарылган иштери жөнүндө Жаңы-Алай айыл өкмөтүнүн башчысы Н.Тажибаевдин маалыматы жактырылсын.
2. Жаңы-Алай айыл өкмөтүнүн 2023-жылда бекитилген иш-пландын аткарылышын өз мөөнөтүндө камсыз кылуу  Жаңы-Алай айыл өкмөтүнүн башчысы Н.Тажибаевге милдеттендирилсин.
3. Бул токтомдун аткарылышын камсыз кылуу бюджет жана социалдык-экономикалык өнүгүү боюнча туруктуу комиссиясына милдеттендирилсин.

 

Төраганын орун басары                                                       Зарипбек уулу Бекзат

Жаны-Алай айылдык Кеңешинин  VII чакырылышынын кезектеги                                                                             34- сессиясынын                                         

Т О К Т О М У

31-октябрь  2023-жыл                          №34/2                Жаңы-Алай айылы

Жаңы-Арык айылындагы таза суунун төлөмүн бекитүү жөнүндө

Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын мыйзамынын 34-беренесине ылайык жана Кыргыз Республикасынын  Өкмөтүнүн 2003-жылдын 17-июлундагы №445 токтому менен бекитилген “Мамлекет башкарган чарбалык субьектилердин баасын (тарифтерин) аныктоо тартиби жөнүндө” Жобонун негизинде Жаңы-Алай айылдык кеңеши токтом кылат:

1. Жаңы-Арык айылындагы таза суунун төлөмү 2023-жылдын                    1-ноябрынан 1куб суунун төлөмү 35 сом өлчөмүндө  тарифи  бекитилсин.

 

2. Ушул токтом суу пайдалануучуларга  жеткирүү Жаңы-Арык таза суу мурабы А.Хусановго жүктөлсүн.

 

3. Кыргыз Республикасынын Министрлер кабинетине караштуу         монополияга каршы мамлекеттик агенттиктин бөлүмү менен баасы       макулдашылсын.

 

1. Бул токтомдун аткарылышын көзөмөлдөө  бюджет  жана социалдык-экономикалык өнүгүү боюнча туруктуу комиссиясына милдеттендирилсин.

 

 

Төраганын орун басары                                                       Зарипбек уулу Бекзат

 

 

 

Жаны-Алай айылдык Кеңешинин  VII чакырылышынын кезектеги                                                                             34- сессиясынын                                         

Т О К Т О М У

31-октябрь  2023-жыл                          №34/3               Жаңы-Алай айылы

Жаңы-Алай айыл айыл өкмөтүнүн Жаңы-Алай айылында жайгашкан айылдык маданият үйүн капиталдык оңдоп түзөөдөн өткөзүү жөнүндө

         Жаңы-Алай айыл өкмөтүнүн 2023-жылдын 27-октябрындагы Жаңы-Алай айылында өтүлгөн №8 элдик жыйындын протоколунун негизинде Жаңы-Алай айылдык кеңеши токтом кылат:

1. Жаңы-Алай айыл айыл өкмөтүнүн Жаңы-Алай айылында жайгашкан айылдык маданият үйүн капиталдык оңдоп түзөө иштерине өздүк салым катары  216632 сом акча каражаты, 2024-жылдын жергиликтүү бюджетине сунушталсын жана бөлүнүп берилсин.
2. Бул токтомдун аткарылышын камсыз кылуу Жаңы-Алай айыл өкмөтүнүн башчысына тапшырылсын.
3. Бул токтомдун аткарылышын көзөмөлдөо бюджет жана социалдык экономикалык өнүгүү боюнча туруктуу комиссиясына жүктөлсүн.

 

Төраганын орун басары                                                       Зарипбек уулу Бекзат